-Como dicimos, profe? É máis alto “ca” ti ou “que” ti?
-Cando o adxectivo vai acompañado dun pronome é sempre “ca”.
-E como dicimos? É tan alto “como” ti, ou “coma” ti?
-Cando o adxectivo vai seguido de pronome, sempre é “coma”?
Cantas veces fixemos, e fixeron, esta pregunta, e sempre é a mesma dúbida, a partícula comparativa que empregar nestes casos.
Para o comparativo de superioridade e de inferioridade: empregamos CA // QUE // DO QUE.
Para o comparativo de igualdade: CA // QUE // DO QUE // COMO // COMA.
Coma e ca: obrigatorios cando preceden a un pronome persoal: é tan alto coma ti – é igual de simpático ca ela – é tan larpeiro coma min.
Como. que, do que: obrigatorios cando preceden a un verbo: é máis doado do que pensaba – andar é menos cansado que correr.
Nos demais casos: pódese empregar calquera:
- Xacobe le tanto como / coma Uxía (Uxía é nome propio).
- Parece igual de orixinal ca / que na fotografía (na fotografía é un sintagma preposicional).
Obra de consulta: Antonio Colmenero. Novas prácticas de lingua. Pontevedra. Edicións do cumio. 2009. 4ª ed. Páx. 49.
